VIA, Vitoria-Gasteizko Aireportua Sustatzeko Sozietatea, Turespañaren VI. Konbentzioan parte hartzen ari da. Konbentzioa Zaragozan egiten ari da, 2026ko urriaren 20tik 22ra, «Do You Speak Global? Nazioarteko turismoa eraldaketaren eragile» lelopean.
Topaketa honek sektore publikoko eta pribatuko ordezkariak biltzen ditu, esperientziak trukatzeko eta Espainiako turismo-sektorearen erronka eta aukera nagusiei buruz hausnartzeko.
Aurtengo edizioaren gai nagusia turismoaren nazioartekotzea da. Besteak beste, merkatu igorleen bilakaera, helmugen lehiakortasuna, berrikuntza eta lankidetza publiko-pribatua jorratzen dira, turismo-eredu jasangarriago eta lehiakorrago baterantz aurrera egiteko.
VIAk topaketa honetan parte hartzeak Arabako eta Euskadiko turismoaren garapenarekin duen konpromisoa indartzen du, Vitoria-Gasteizko Aireportuaren sustapenaren, aireko konektibitatearen bultzadaren eta turismo-sektoreko eragileekin egindako lankidetzaren bidez, bisitarien etorrera eta helmugaren proiekzioa nazioko zein nazioarteko merkatuetan sustatzeko.